OQO-da advokattyq qyzmet máselesi talqylandy
ASTANA. QazAqparat - Búginde elimizde advokattar tapshylyǵy sezilip otyr. Ortasha eseppen alǵanda 1 advokatqa shashamen 4000 azamattan keledi. Búgin bul týraly OQO Óńirlik kommýnıkatsııalar qyzmetinde ótken baspasóz máslıhatynda Ońtústik Qazaqstan oblysy Ádilet departamenti basshysynyń mindetin atqarýshy Muhıt Turǵaraev málim etti, dep habarlıdy QazAqparat.
Máslıhat barysynda qoǵamdyq talqylaýǵa túsip jatqan advokattyq qyzmet pen quqyqtyq kómek týraly keıbir zańnamalyq aktilerge ózgerister men tolyqtyrýlar engizý týraly zań jobalarynyń tujyrymdamalary túsindirildi.
Statıstıkalyq málimetterge súıensek, sońǵy 4 jyldyń ishinde advokattar sany tek 300-ge ǵana ósken. Óıtkeni advokat ataný ońaı sharýa emes. Ol úshin zańgerlik joǵary biliminiń bolýy, advokattar alqasynda 6 aı nemese 1 jylǵa deıin taǵylymdamadan ótýiń tıis. Taǵlymdamadan ótýdiń jyldyq quny - 140 myń teńgeden 280 myń teńgeniń kóleminde. Sondaı-aq, ár aımaqta alqaǵa kirý úshin alǵashqy jarna somasy 800 myń teńge bolyp belgilengen. Osylaısha úmitkerge advokat mártebesin alý úshin orta eseppen 1 mln teńge tóleýi qajet. Muhıt Beketuly advokattar tapshylyǵynyń negizgi sebepteri retinde osy túıtkilderge toqtaldy.
«Mamandyqqa kirýdi jeńildetý maqsatynda jańa ázirlenip jatqan zań jobasynda jarna tóleý máselesi alynyp tastalatyn bolady. Bul advokattar sanynyń ósýine, olardyń arasyndaǵy básekelestikti kúsheıtip, qalamaqyny tómendetip, olardyń kásibı deńgeıin joǵarylatýǵa yntralandyrady», - deıdi Muhıt Turǵaraev.
Taǵy bir túıtkildi máseleniń biri - bul alqalardyń qarjylyq qyzmetiniń ashyqtyǵy. ıAǵnı, jańa zań jobasyna advokattar alqalarynyń kirister men shyǵystary týraly aqparatty mindetti túrde jarııalaý engiziletin bolady. Sondaı-aq, jańa zań aıasynda advokattardyń mindetti jyldyq kásibı biliktiligin arttyrý isi de qolǵa alynbaq. Bul rette Frantsııa, Ulybrıtanııa, AQSh elderiniń tájirıbesi qoldanylatyn bolady.
Budan bólek, halyqtyń áleýmettik osal toptaryna tegin zańgerlik kómek kórsetý maqsatynda «Pro bono» tájirıbesin engizý qarastyrylýda. Ol úshin advokattarǵa jylyna tegin zań kómegin berý quqyǵy usynylady.
Sonymen qatar, jeke tájirıbeshilerdiń quqyqtyq mártebesin, olardyń quqyqtary men mindetterin anyqtaýdy zańdy túrde belgileý isi qolǵa alynbaq. ıAǵnı, ózin-ózi retteıtin uıymdardy advokattyq palatalar túrinde qurý josparlanyp otyr. Onda zańgerlik kómek kórsetetin jeke tulǵalar men zańgerlik keńes beretin advokattar úshin óz erkimen zań keńesshileriniń palatasyna kirýge quqyq beriledi. Jalpy alǵanda, zań jobalarynyń tujyrymdamalary azamattarǵa qoljetimdi jáne sapaly quqyqtyq kómek kórsetýge baǵyttalǵan.
