OQO-da 9 jastaǵy bala gazǵa ýlanyp kóz jumdy
ShYMKENT. QazAqparat - Ońtústik Qazaqstan oblysy Túlkibas aýdanynda eki adam gazdan ýlanyp, 9 jastaǵy bala kóz jumdy, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimetinshe, qaıǵyly jaǵdaı atalǵan aýdannyń Azattyq aýylynda oryn alǵan. 2009 jyly týǵan balany aman alyp qalý múmkin bolmady, al onyń 17 jastaǵy ápkesi aýyr halde aýrýhanaǵa jetkizildi. Qazir jansaqtaý bóliminde em qabyldap jatyr.
Gaz taratýshy mamandardyń sózinshe, úıde ornatylǵan gaz peshinde aqaý tabylǵan. Qazir bul jaǵdaıdyń sebebin aýdandyq tótenshe jaǵdaılar basqarmasy qyzmetkerleri anyqtaýda.
