OQO-da 9 jasar bala Qyzylqum kanalyna batyp ketti
ShYMKENT. QazAqparat - Ońtústik Qazaqstan oblysynda 9 jasar bala Qyzylqum kanalyna batyp ketti. Qaıǵyly jaǵdaı Shardara aýdanynyń Alataý aýylynda bolǵan, dep habarlaıdy QazAqparat HAA tilshisi.
Oblystyq TJD málimetinshe jetkinshek keshki saǵat bester shamasynda kanal sýyna shomylǵan. Alaıda ruqsat etilmegen jerge shomylǵan bala sýǵa batyp ketipti. Janyndaǵylar da qutqara almaǵan. Bolmaǵan soń, týystary súńgýirlerdi shaqyrtady. Oqıǵa ornyna jetken 5 qutqarýshy qaıyqpen izdestirip, keshki 19.20-da sýdan jasóspirimniń óli denesin alyp shyqqan.
Aıta keteıik, búginge deıin óńirde 31 adam sýǵa ketip, mert bolǵan. Onyń 17-si - kámelet jasyna tolmaǵan balalar. Ótken jyly osy merzimde sýdan ajal qushqandardyń sany 42 adam bolatyn. TJD qyzmetkerleri sýǵa batqandardyń azaıýyn qutqarý jumystarynyń júıeli túrde júrgizilýi men saqtyq sharalaryn nasıhattaýdyń arqasynda múmkin bolyp otyr deıdi.
