OQO-da 9 synyp oqýshysy sýǵa ketken jetkinshekti qutqardy
ShYMKENT. QazAqparat - Ońtústik Qazaqstan oblysynda 9 synyp oqýshysy sýǵa batqan jetkinshekti qutqaryp qaldy. Nurman Baýyrjanuly aǵysy qatty Keles ózenine batqan qyzdy jaǵaǵa alyp shyqan, dep habarlaıdy QazAqparat HAA tilshisi.
Keleńsiz oqıǵa Saryaǵash aýdanyna qarasty Oraz ata eldimekeninde bolǵan. 6-synyp oqýshysy Arýjan Jaqsylyq tús mezgilinde qurbylarymen birge Keles ózenine shomylýǵa barady. Oıyn qyzyǵymen júrgen ol abaısyzda ózenniń qatty aǵys jaǵyna ótip ketedi. Jóndi júzý bilmeıtin qyzdy qatty aǵys lezde lyp ketken. Muny kórgen qurbylary shýlap qoıa beredi. Bul aıqaı-shýdy sol mańaıda turatyn Nurman esimdi bala esitip qalyp, kómekke júgiredi. Ol laıly sýǵa qoıyp ketip, qyzdy aldynan kútip almaq bolady. Alaıda bul kezde 13 jastaǵy qyz sýǵa bir jola batyp, kórinbeı qalǵan. Kenet, onyń ústindegi kók kóılegi sýdyń betinde shyqqan. Oǵan tura umtylǵan Nurman qyzdy ustap, áreń degende jaǵaǵa alyp shyǵady. Es- tússiz jatqan jetkinshekti jerge jatqyzyp, alǵashqy kómek kórsetken. Oǵan kómekke kelgen jeńgesi jedel járdem qyzmetin shaqyrtqan. Sóıtip jasóspirim osy eki jannyń kómeginiń arqasynda ajal tyrnaǵynan aman qaldy. Aýdandyq aýrýhananyń jansaqtaý bóliminde 3 kún jatyp, ózine kelgen Arýjan búginde aman-saý, otbasyna oraldy.
Aıta keteıik, jas qutqarýshy Nurman Álibaev 5-shi synyptan beri dzıýdo kúresimen aınalysady. Aýdandyq, oblystyq jarystardyń jeńimpazy. Respýblıkalyq jasóspirimder arasyndaǵy belbeýli kúrestiń júldegeri. Osy sporttyń arqasynda ol sýǵa ketken oqýshy qyzdy aman alyp qaldy. 
