OQO-da 9-synyp oqýshylarynyń kýálikterine jalǵan baǵalar qoıylǵan
ShYMKENT. QazAqparat - Ońtústik Qazaqstan oblysy, Maqtaral aýdanyndaǵy toǵyzynshy synyp oqýshylarynyń kýálikterine jalǵan baǵalar qoıylǵan. Bul týraly Ferdoýsı tájik mektebiniń dırektory bolyp jańadan taǵaıyndalǵan Janar Mamyrova málimdedi. Ol mekteptiń burynǵy basshylyǵy jibergen qatelikterdi beınejazbaǵa túsirip, Ýoutube-ta jarııalady, dep habarlaıdy QazAqparat HAA tilshisi.
Janar Mamyrovanyń sózinshe, Ferdoýsı mektebinde 9-synypty aıaqtaǵan 18 oqýshynyń mektepti bitirý týraly kýáligine baǵalar ózgertilip qoıylǵan. Bul kemshilikterdi ol burynǵy dırektordan qujattardy qabyldap alǵan kezde anyqtaǵanyn aıtady. ıAǵnı, attestatta jazylǵan baǵalar men mektep jýrnalyndaǵy baǵalar eki túrli bolyp shyqqan. Olardyń basym bóliginde baǵalar kótermelenip qoıǵan.
«1 nemese 2 kýálikte qate ketse, oǵan tehnıkalyq qatelik dep qarar edim. Sebebi, 12 jyldan beri mektep dırektory bolyp istep kelemin. Biraq jiberilgen myna qatelikterdi kórip, munshalyqty soraqylyqty kórmeppin dep aıtar edim. Mysaly, Myrzasharıpov Hadjımahmadtyń qujatyn alyp qarasaq, jýrnalda qazaq, tájik ádebıetterinen 3 degen baǵa qoıylsa, kýálikke 4 túsip tur. Odan keıin syzý, dene shynyqtyrý, orys tili sııaqty, barlyǵy 10 pánde baǵalar ózgertilgen. Onyń ishinde 7 pánniń baǵasy 3 degen baǵadan 4-ke ózgertilgen.Qazir meniń aldymda 18 kýálik tur, sonyń barlyǵynda baǵalar kótermelenip qoıylǵan»,-deıdi jańa dırektor.
Ol bul qujattardyń qatelikterin aýdandyq bilim bóliminiń basshylyǵyna jetkizbek bolǵanymen, Leshan Qoılybaevtyń qabyldaýyna kire almaǵanyn aıtady. Aıta keteıik, Janar Mamyrova bul qyzmetke sol aýdandyq bilim bóliminiń basshysy Leshan Qoılybaevpen sottasyp júrip, qaıta taǵaıyndalǵan bolatyn.
Endi Mamyrova qujattardy muqııat tekserip shyǵyp, quzyrly organdarǵa tapsyrýǵa bekinip otyr.
Bul máselege oraı aýdandyq bilim bóliminiń basshysy Leshan Qoılybaev qandaı da bir jaýap qatpady, ol aýdanda Ulttyq biryńǵaı testileý ótip jatqandyǵyn alǵa tartty.
