OQO-da 9 memlekettik qyzmetkerdiń tártiptik isi qaraldy
ShYMKENT. QazAqparat - Ońtústik Qazaqstan oblysynda 9 memlekettik qyzmetkerdiń tártiptik isi qaraldy. Óńirdiń ádep jónindegi keńes músheleri jerdi paıdalanýdyń maqsatyn ózgertip, mansabyn asyra paıdalanǵan mamandardy tártip jaýapkershilikke tartty, dep habarlaıdy QazAqparat HAA tilshisi.
Memlekettik qyzmet isteri jáne sybaılas jemqorlyqqa qarsy is-qımyl agenttiginiń OQO boıynsha departament basshysy Álı Kómekbaevtyń aıtýynsha, tártiptik máselesi qaralǵan tulǵalardyń barlyǵy Ádep kodeksiniń talaptaryn óreskel buzǵan.
Aldymen, alqa músheleri Saıram aýdandyq aýmaqtyq ınspektsııasy basshysynyń isin talqylady. Usynysta ınspektsııa tarapynan «Mal urlyǵyna nátıjeli tosqaýyl» jobasy aıasynda mobıldi toppen birge 52 quqyq buzýshylyq anyqtalǵan.
Atalǵan ınspektsııa mamandary quqyq buzýshy tulǵalardy ákimshilik jazadan sebepsiz bosatyp, olarǵa zańsyz artyqshylyqtar kórsetken. Bul másele keńes otyrysynda jiti talqylandy. Budan bólek, birneshe aýdan ákimi keńes músheleri aldynda esep berdi.
