OQO-da 9 adamnan turatyn qylmystyq top quryqtaldy
ShYMKENT. QazAqparat - Ońtústik Qazaqstan oblysynda tártip saqshylary 9 adamnan turatyn qylmystyq topty ustady. Olarǵa páterler men garajdardy jáne dúkenderdi tonap, mal urlady degen kúdik keltirilip otyr, dep habarlaıdy QazAqparat HAA tilshisi.
Kentaý qalalyq ІІB polıtseıleriniń málimetinshe top músheleri sońǵy eki jyl kóleminde bótenniń múlkin urlaýdy kásip etken. Qolǵa túsken toptyń basshysy buryn sottalǵan adam. Ózgeleri 1993, 1994, 1995 jáne 1996 jyly týǵan jergilikti turǵyndar ekeni anyqtaldy. 
Polıtseıler anyqtaǵandaı, kúdiktiler páterlerge tereze arqyly ne syrtqy esigin ashý arqyly kirip, turǵyndardyń aqshasy men baǵaly zattaryn qoldy etip otyrǵan. Urlanǵan zattardy ótkizip, al túsken aqshany óz qajetterine jaratyp kelipti. Máselen, qaladaǵy 23 jastaǵy turǵynnyń úıinen teledıdar, sandyq fotoapparat jáne 100 myń teńgesin urlaǵan. 
Qazirgi tańda kúdiktilerdiń 20 jaıttan asa bótenniń múlkin urlaý qylmysyna qatystylyǵy anyqtaldy. Aıǵaqty zattar tárkilenip, jábirlenýshilerge keltirilgen shyǵyn kólemi eseptelýde. Olarǵa qatysty Qylmystyq kodekstiń 188-shi «Urlyq» babymen is qozǵalyp, tergeý amaldary júrgizilýde. Kúdiktiler qamaýǵa alynyp, olardan jaýap alynýda. 
Aıta keteıik, jyl basynan beri Kentaý QІІB qyzmetkerleri 5 qylmystyq top múshelerin qolǵa túsirdi. Olardyń 50-den astam urdyq-qarlyq áreketterine qatystylyǵy anyqtalyp otyr.
