OQO-da 846 mlrd teńgeniń 119 ındýstrıaldyq jobasy iske asyrylýda
Ózderińizge belgili Ońtústik Qazaqstan oblysy respýblıkamyzdaǵy egemendik alǵaly beri qarqyndy damyp kele jatqan óńirdiń biri. Óndiris salasy. Indýstrıaldyq-ınnovatsııalyq damý baǵdarlamasyn tabysty iske asyrý bastalǵaly beri, quny 223,4 mlrd teńgeni quraıtyn barlyǵy 143 joba iske asyrylyp, 12,8 myń jumys orny quryldy. 2015-2019 jyldarǵa arnalǵan ekinshi besjyldyqta 18,5 myń jańa jumys orny ashylady. Quny 846 mlrd teńge bolatyn 119 joba iske asyrylýda», - dep atap ótti ákim orynbasary.
Onyń xabarlaýynsha, 2016 jyldyń 8 aıynda ındýstrıalandyrý kartasy jobasymen óndirilgen ónimderdiń quny 65,9 mlrd teńgeden asty.
«Jobalardyń 90 paıyzdan astamy josparly qýattylyǵyn ıgerdi. Aǵymdaǵy jyly 803 jumys ornyn qura otyryp, quny 9,2 mlrd teńge bolatyn 18 jobany júzege asyrý josparlanýda. Búgingi tańda onyń ekeýi iske qosylǵan. Sonymen qatar aımaqtyń ınvestıtsııalyq tartymdylyǵyn arttyrý jáne shaǵyn, orta bıznesti jaqsartý maqsatynda 7 ındýstrıaldyq aımaq tabysty júzege asyrylyp jatyr. Onyń tórteýi aıaqtalý satysynda. Indýstrıaldyq aımaqtarda 12,2 myń jumys ornyna arnalǵan quny 197 mlrd teńge bolatyn 164 ınvestıtsııalyq joba iske asyrylýda. Jyl sońyna deıin 622 jumys ornyn qura otyryp, quny 7,6 mlrd teńge bolatyn 17 ınvestıtsııalyq jobany júzege asyrylýy kútilip otyr», - dedi U. Sádibekov.
Aıta ketý kerek, táýelsizdik jyldary OQO-da jumyssyzdyq deńgeıi 14,3 paıyzdan 5,2 paıyzǵa deıin tómendep, jumyspen qamtylǵan xalyqtyń sany 60 paıyzdan asty. Ońtústik Qazaqstan oblysynyń xalqynyń sany táýelsizdik jyldary 1 mıllıon adamǵa artyp, 2,8 mıllıonǵa jetip otyr.