OQO-da 7 saılaý okrýginde máslıhat depýtattarynyń saılaý naýqany aıaqtaldy
ShYMKENT. QazAqparat - Ońtústik Qazaqstan oblysynda túrli deńgeıdegi máslıhattaǵy bos oryndarǵa saılaý ótti. Óńirdegi jeti saılaý okrýgine kelgen daýys berýshiler óz tańdaýlaryn jasady. Búgin bul týraly OQO óńirlik kommýnıkatsııalar qyzmetinde ótken brıfıngte oblystyq aýmaqtyq saılaý komıssııasynyń tóraǵasy Álibek Ómirálıev málim etti, dep habarlaıdy QazAqparat tilshisi.
Álibek Ómirálıevtiń sózinshe, saılaýdy ázirleý jáne ótkizý barysynda komıssııasynyń atyna eshqandaı aryz-shaǵym túsken joq. Saılaý Konstıtýtsııalyq zań talaptaryna saı ótkizilgen. Nátıjesinde № 11 oblystyq saılaý okrýgi boıynsha oblystyq máslıhattyń depýtaty bolyp «Uly Orda» JShS-niń prezıdenti Qaırat Súleımenov saılanǵan. Al, № 35 saılaý okrýgi okrýgi boıynsha ózge úmitkerlerden «SAURAN group» JShS-niń keńesshisi Abdýrashıt Omarov basym túsken.
«Sonymen qatar, № 49 saılaý okrýgi boıynsha oblystyq máslıhattyń depýtaty bolyp «Hamıt» AÓK basqarmasy tóraǵasy Sermanııazov Baqytjan Qypshaqbaıuly, al № 50 saılaý okrýgi boıynsha oblystyq máslıhattyń depýtaty bolyp Qazaqstan ınjenerlik-pedagogıkalyq «Halyqtar dostyǵy» ýnıversıtetiniń rektory Qýatbekova Rabıǵa Ábdimusaqyzy saılandy», - dedi Álibek Ómirálıev.
Komıssııa tóraǵasynyń aıtýynsha, bos oryndarǵa depýtat saılaý úshin oblys boıynsha 10 saılaý okrýgi jumys istep, 91 myń 974 adam daýys bergen. Jalpy depýtattyqqa 42 adam ótinish bildirgen. Olardyń 38-i tirkelip, onyń 20-sy deklaratsııalyq aıyrmashylyq pen jeke aryzdary boıynsha saılaýǵa qatystyrylmaǵan. Qalǵan 18 úmitkerdiń ishinde 4 adam oblystyq, 2 úmitker qalalyq, 1 adam aýdandyq máslıhatqa saılandy.
