OQO-da 7 mln teńge para alǵan sheneýnikter sottaldy
ShYMKENT. QazAqparat - Ońtústik Qazaqstan oblysynda 7 mln teńge kóleminde para alǵan sheneýnikter sottaldy. Óńirdiń tekserý komıssııasynyń burynǵy tóraǵasy Syrym Shalabaı men bas aýdıtory Birjan Qudııarov 7 jylǵa bas bostandyǵynan aıyryldy, dep habarlaıdy QazAqparat tilshisi.
Ál-Farabı aýdandyq sotynyń úkimimen aıyptalýshylardyń asa iri mólsherde para alǵany dáleldengen. Eki sheneýnik te jazasyn jalpy tártiptegi túrmede ótep, ómir boıyna memlekettik qyzmet atqara almaıtyn boldy.
Esterińizge sala keteıik, asa iri kólemde para alǵan sheneýnikter ótken jyldyń shilde aıynda ustalǵan bolatyn. Elimizdiń Sybaılas jemqorlyqqa qarsy kúres ulttyq bıýrosynyń málimetinshe, oblystyq revızııalyq komıssııanyń burynǵy tóraǵasy Syrym Shalabaı men bas aýdıtory Birjan Qudııarov parany tekserý aktisin jaǵymdy etip kórsetý úshin suraǵan. Keıin qylmys ústinde ustalyp, ýaqytsha ustaý abaqtysyna jabylǵan edi.
Aıta keteıik, Syrym Shalabaı bul qyzmetke 2016 jyldyń qyrkúıeginde taǵaıyndalǵan bolatyn.
