OQO-da 7 ındýstrıaldyq aımaq tabysty jumys isteýde - Beıbit Atamqulov

ShYMKENT. QazAqparat - Ósim boıynsha OQO respýblıkada aldyńǵy qatarda. Bul týraly búgin Elbasynyń júktegen fýnktsııalary men mindetteriniń oryndalýy boıynsha oblystyq máslıhat depýtattarynyń aldyndaǵy esebinde OQO ákimi Beıbit Atamqulov málim etti.

«Prezıdent Nursultan Ábishuly Nazarbaevtyń tapsyrmalaryna sáıkes, oblysymyzda memlekettik baǵdarlamalar nátıjeli iske asyrylýda. Óńirimizdiń aldaǵy 5 jylǵa arnalǵan damý baǵdarlamasy talqylanyp, bekitildi. Búginde, oblysta 7 ındýstrıaldyq aımaq tabysty jumys isteýde (Shymkent, Kentaý, Túrkistan, Sozaq, Túlkibas, Maqtaaral, Kazyǵurt). Sonymen qatar, 4 ındýstrıaldyq aımaqtyń ınfraqurylymdarynyń qurylysy júrgizilýde. Jalpy ındýstrıaldyq aımaqtarda 52 joba iske asyrylyp, 4 025 jumys orny quryldy»,-dep toqtaldy óńir basshysy.

Atap aıtqanda, «Indýstrıaldy-ınnovatsıalyq damý» baǵdarlamasy aıasynda 27 mlrd teńgege 16 jobany iske qosyp, 845 jumys ornyn qurý josparlansa, jyl basynan 2 joba iske qosylyp, 74 jumys orny ashyldy.

«Baǵdarlama aıasynda bıýdjetke túsken salyqtardyń kólemi ótken jylmen salystyrǵanda 804 mln. teńgege artyp, 5,4 mlrd teńgeni qurady. 6 aıda ónerkásip kásiporyndarymen 384 mlrd teńgeniń ónimi óndirilip, 5,3% artty. Ósim boıynsha oblys respýblıkada aldyńǵy qatarda», - dedi B. Atamqulov.