OQO-da 6 jasar bala aryqqa batyp ketti
ShYMKENT. QazAqparat - Ońtústik Qazaqstan oblysynda 6 jasar bala alqap sýaratyn aryqqa batyp ketti. Qaıǵyly jaǵdaı Saryaǵash aýdanynyń Kógertý aýylynda bolǵan, dep habarlaıdy QazAqparat tilshisi.
Oblystyq TJD málimetinshe, qaıǵyly jaǵdaı 10 maýsym kúni tirkelgen.
«10 maýsymda saǵat 16:45-te Aqtóbe aýyldyq okrýgine qarasty Kógertý aýylyndaǵy úıdiń janynan ótetin sýarmaly aryqqa 2012 jyly týǵan bala batyp ketti. Ol týystarynyń qaraýynsyz qalyp, abaısyzda aryqqa qulap ketken. Sol kúni saǵat 17-00-te jetkinshektiń óli denesin týystary sýdan taýyp, shyǵaryp alǵan» delingen baspasóz habarlamasynda.
Aıta keteıik, óńirde balalardyń sýǵa ketýi jıilep barady. Jyl basynan beri óńirde 22 adam sýdan ajal qushsa, ókinishke oraı onyń 19-y jas bala. Al, ótken aptada Syrdarııa ózenine 5 jasar búldirshin men men ákesi sýǵa ketken bolatyn. Balanyń óli denesin týystary tapqanymen, 37 jastaǵy ákesiniń denesin izdestirý jalǵasýda. Qutqarýshylardyń 4 kún boıy júrgizip jatqan izdeý sharalary nátıje bermeýde.
