OQO-da 5 adam qaza tapqan jol kólik oqıǵasy boıynsha qylmystyq is qozǵaldy
ShYMKENT. QazAqparat - Ońtústik Qazaqstan oblysynda 5 adam qaza tapqan jol kólik oqıǵasy boıynsha qylmystyq is qozǵaldy. Búgin qaıǵyly jaǵdaıǵa baılanysty alǵashqy derekter málim boldy, dep habarlaıdy QazAqparat HAA tilshisi.
Shymkent-Shaıan tas joly boıynda oryn alǵan jol apaty keshe keshkisin 20.00-de bolǵan. «Aýdı» jáne «Mersedes» avtokólikteri Báıdibek aýdany aýmaǵynda soqtyǵysýy saldarynan 1976, 1988, 2012 jáne 2016 jyly týǵan tórt jolaýshy jan tásilim etken. ıAǵnı aralarynda 5 jáne 1 bastaǵy búldirshinder de baqılyq boldy.
Sonymen qatar «Aýdı» avtokóliginiń 44 jastaǵy júrgizýshisi de aýrýhanada kóz jumdy. Aýdandyq aýrýhanaǵa sondaı-aq kólikte bolǵan 35, 29 jastaǵy eresek jáne 6, 7 jastaǵy balalar men «Mersedes» avtokóliginiń 52 jastaǵy júrgizýshisi ár túrli dene jaraqattarymen jatqyzyldy. Olar Ońtústik Qazaqstan jáne Jambyl oblysynyń turǵyndary ekeni anyqtaldy.
Qazirgi tańda osy oqıǵa boıynsha Qylmystyq kodekstiń 345-babymen «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» boıynsha is qozǵaldy. Óńirdiń tártip saqshylary jol kólik oqıǵasy kimniń kinásinen bolǵany jóninde anyqtaý sharalaryn júrgizýde.
