OQO-da 43 sý qoımasynda qaýipsizdik sharalaryn kúsheıtý qajettigi týyndady
ShYMKENT. QazAqparat - Ońtústik Qazaqstan oblysyndaǵy 43 sý qoımasynda qaýipsizdik sharalaryn kúsheıtý qajettiligi týyndaǵan. Qoımalardy qajetti qural-jabdyqtarmen qamtamasyz etý kerek.
Bul týraly búgin oblys ákimdiginde ótken tótenshe jaǵdaılardyń aldyn alý komıssııasynyń kezekti otyrysynda sóz boldy, dep habarlaıdy QazAqparat tilshisi.
Aımaq basshysy Janseıit Túımebaevtyń tóraǵalyǵymen ótken jıynda óńirdegi sý qoımalarynyń búgingi jaı-kúıi talqylandy. Kóktemgi tasqynnyń aldyn alý sharalary pysyqtaldy. Oblystyq tótenshe jaǵdaılar departamentiniń basshysy Nurbolat Derbisovtiń aıtýynsha, óńirdegi jalpy 43 sý qoımasy bar bolsa, onyń 20-sy respýblıkalyq, 18-i oblystyq jáne aýdandyq kommýnaldyq, 5-i jekemenshik sanalady.
«Qoımalardyń 90 paıyzynyń qurylysy 1941-1990 jyldary aralyǵynda salynyp, paıdalanýǵa berilgen. ıAǵnı, sońǵy qurylystyń salynǵanyn esepke alǵanda 25 pen 80 jyl aralyǵynda úzdiksiz paıdalanylyp keledi. 2017 jylǵy qazan-qarasha aılarynda oblys aýmaǵynda ornalasqan barlyq sý qoımalardyń menshik túrine qaramastan aǵymdaǵy jaǵdaıyn anyqtaý maqsatynda oblystyq quzyrly mekemelerden qurylǵan komıssııa vızýaldy zertteý jumystaryn júrgizdi», - dedi Nurbolat Derbisov.
Basqarma basshysynyń aıtýynsha, birqatar sý qoımalary elektr jaryǵymen, baılanys quralymen, arnaıy kúzetpen, beıne baqylaýmen tolyqtaı qamtamasyz etilýi kerek.
Jıyndy qorytqan óńir basshysy sý qoımalaryna qatysty olqylyqtardyń ornyn toltyrý maqsatynda aýdan, qala ákimderi men tıisti mekeme basshylaryna naqty tapsyrmalar berdi.
«Kóktemgi sý tasqynynyń oryn alýyna kóbinde sý qoımalarynyń materıaldyq-tehnıkalyq jaǵdaılary men mekemdigi sep bolady. Osy jaıdy eskersek, óńirimizdegi 43 sý qoımasynyń qaýipsizdik sharalaryn kúsheıtýdi tapsyramyn. Arnaıy komıssııa anyqtaǵan olqylyqtar tolyǵymen oryndalyp, qajetti qural-jabdyqtar men qamtamasyz etilýi qajet. Bul rette tıisti mekeme basshylary aýdan, qala ákimderimen tyǵyz baılanysta jumys isteýi tıis», - dedi Janseıit Qanseıituly. 
