OQO-da 42 jastaǵy áıeldi júk poıyzy qaǵyp ketti
ShYMKENT. QazAqparat - Ońtústik Qazaqstan oblysynda 42 jastaǵy áıeldi poıyz qaǵyp ketti, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, qaıǵyly oqıǵa «Mankent-Yntymaq » temirjolynyń 3320 shaqyrymynda bolǵan.
«Arys stansasynan Taraz qalasyna baǵyt alǵan №2804 júk poıyzynyń astyna 1976 j.t. O.M.Nıshanbaeva túsip ketken. Saldarynan ol oqıǵa ornynda qaıtys bolǵan. Atalǵan oqıǵanyń basqa poezdardyń qozǵalysyna áseri bolǵan joq. Tergeý júmystaryn Shymkent stansasynyń jelilik ishki ister bóliminiń qyzmetkerleri júrgizýde» delingen habarlamada.
Aıta keteıik, buǵan deıin «Mankent-Sastóbe» temirjol stansasynyń 3319-shaqyrymynda er adam men bir boıjetkendi de júk poıyzy qaǵyp ketip, kóz jumǵan edi.
