OQO-da 400-den astam qurylys nysandary zańsyz salynǵan

ShYMKENT. QazAqparat - Ońtústik Qazaqstan oblysynda 400-den astam qurylys nysandary zańsyz salynǵan. Bul týraly óńirlik kommýnıkatsııalar qyzmetinde ótken baspasóz máslıhatynda Oblystyq sáýlet jáne qala qurylysy basqarmasy basshysynyń orynbasary Baqtybaı Dúısebekov málimdedi, dep habarlaıdy QazAqparat tilshisi.

Baqtybaı Dúısebekovtyń sózinshe, zańsyz salynǵan nysandardyń ıeleri qajetti qujattardy jınaqtamaı ǵımarattaryn turǵyzǵan. Búginde osyndaı zańbuzýshylyqtardy qaıta retke keltirý jumystary júrgizilýde. Ǵımarattardyń qojaıyndaryna eskertýler berilip, túsindirme jumystary qolǵa alynypty. Sondaı-aq, nysandardyń qyzyl syzyqqa túsken-túspegendigi de tekserilip jatyr.

«Tıisti talapqa sáıkes zańsyz salynǵan kópqabatty úıler olar ornynan alynady. Eger demalys oryndary bolsa ótemaqy berilip, tárkileý júrgiziledi. Qalanyń Bas josparyna saı salynýy tıis»,- deıdi Baqtybaı Dúısebekov.

Jaýapty basqarma basshylary sonymen qatar oblysta halyq sany 5 myńnan asatyn 53 eldi mekenniń bas jospary bekitilgenin aıtady. Al, búginde turǵyndar sany az bolatyn aýyldardyń damýy men qurylys salý syzbalary ázirlende eken.