OQO-da 4 myńǵa jýyq jas keshendi test tapsyrdy
ShYMKENT. QazAqparat - Ońtústik Qazaqstan oblysynda keshendi test tapsyrý tórt joǵary oqý ornynyń bazasynda ótýde. Bıylǵy jyly synaqtan ótýge orta bilimi bar 4 myńǵa jýyq jas qatysty, dep habarlaıdy QazAqparat HAA tilshisi.
Máselen, M.Áýezov atyndaǵy OQMÝ-ǵa bıyl 3 myńǵa jýyq jas qujat tapsyrǵan. Onyń 1072-si kolledjderdi bitirip kelgender. Al, Qazaqstan ınjenerli-pedagogıkalyq Halyqtar Dostyǵy ýnıversıtetinde 900-ge jýyq úmitker baq synady. Oqý ornynyń qabyldaý komıssııasynyń jaýapty hatshysy Aıgúl Qýanyshqyzy olardyń 720-sy qazaq tilinde, 171-i orys tilinde test tapsyrǵanyn aıtady. Testileýdiń qortyndysy boıynsha 50-den joǵary ball jınaǵan talapkerler memlekettik bilim berý tapsyrysy boıynsha ótkiziletin konkýrsqa qatysatyn bolady.
