OQO-da 4 mln teńgeniń malyn urlaǵandar ustaldy
ShYMKENT. QazAqparat - Ońtústik Qazaqstan oblysynda polıtseıler eki jyl ishinde 10 ret mal urlaǵan qylmystyq top múshelerin qolǵa túsirdi. Tergeý barysynda kúdiktilerdiń jábirlenýshilerge 4 mln teńge kóleminde shyǵyn keltirgeni anyqtalǵan, dep habarlaıdy QazAqparat HAA tilshisi.
Top músheleri qylmystaryn belgili bir júıemen jasaǵan. ıAǵnı, mal ıeleriniń joqtyǵyn paıdalanyp, úı janýarlaryn aıdap áketip otyrǵan. Máselen, eki jyl buryn Atameken aýyly mańyndaǵy jaıylymnan 6 bas jylqyny alyp ketken. Osylaısha mal ıesine 1,5 mln teńge shyǵyn keltirgeni anyqtaldy. Al ótken jyldyń kúzinde Kóktóbe aýyly turǵynynyń aýlasynan quny 200 myń teńge turatyn sıyryn urlap ketken. Dál osyndaı qylmysty olar birneshe ret jasapty. Urlanǵan maldardy satyp, aqshalaryn óz qajettilikterine jumsap otyrǵan.
Qazirgi tańda, atalǵan jaıttar boıynsha «Urlyq» babymen qylmystyq is qozǵalyp, aıǵaqty zattar tárkilengen. Sotqa deıingi tergeý amaldary júrgizilýde.
Tártip saqshylary sońǵy kezde mal urlyǵy derekteri azaıǵanyn aıtady. Máselen, byltyrǵy jyly Maqtaral aýdany boıynsha 46 mal urlyǵy tirkelgen bolsa, aǵymdaǵy jyly barlyǵy 11 qylmys jasalǵan. Bul rette «Mal urlyǵyna tosqaýyl» jobasy boıynsha jergilikti turǵyndarǵa jaıylymdarmen aýlalarynda óz maldaryn baqylaýda ustaý boıynsha túsindirý jumystary júrgizilip keledi eken.
Sondaı-aq turǵyndar tarapynan tórttúlikti ustaıtyn jerlerge dabyl júıesin, beınekameralar ornatý, jaryq qurylǵylarymen qamtý týraly jáne maldarǵa en salý, esepke alý jaǵy qolǵa alynypty.
