OQO-da 3 kún ishinde rólde telefonmen sóılesken 600 júrgizýshi jazalandy
ASTANA. QazAqparat - Ońtústik Qazaqstan oblysynda «Quqyq tártibi» jedel-profılaktıkalyq sharasy barysynda 602 júrgizýshi kólik basqaryp kele jatyp, telefonmen sóıleskeni úshin ákimshilik jazaǵa tartyldy. Bul týraly QazAqparat oblystyq ІІD-ne silteme jasaı otyryp habarlaıdy.
«Jol-kólik erejelerin buzǵany úshin tártip saqshylary 1400-ge jýyq quqyq buzýshylardy jaýapqa tartty. Olardyń 32-si kólikti mas kúıinde basqarǵan. Sondaı-aq polıtsııa qyzmetkerleri kólikti basqaryp kele jatyp, telefonmen sóılesken 602 júrgizýshige, qaýipsizdik belbeýlerin taqpaǵan - 681, jyldamdyqty shekten tys asyrǵan - 71, joldyń qarsy baǵytyna shyǵyp ketken 17 júrgizýshige qatysty ákimshilik hattama toltyrdy»,-delingen habarlamada.
«Quqyq tártibi» jedel-saýqtyrý sharasynyń 3 kúninde OQO-nyń tártip saqshylary 160-tan astam qylmysty áshkereledi. Olardyń 150-i buryn jasalǵan qylmystar jáne olardyń bireýi kisi óltirýmen baılanysty bolsa, taǵy eki qylmys tonaý áreketine qatysty bolyp otyr. Tártip saqshylary izdeýde júrgen 2 qylmyskerdi ustap, esirtki saqtaǵan 1 kúdiktini qolǵa túsirdi.
Buǵan qosa polıtseıler jedel-saýyqtyrý sharasynyń 3 kúninde 4 myńnan astam ákimshilik quqyqbuzýshylyqtardy anyqtady. Olardyń 189 faktisi usaq buzaqylyq ta 435 fakti spırtti ishimdikti paıdalanyp, mas kúıinde qoǵamdyq oryndarda júrý áreketine qatysty bolyp otyr.
Sondaı-aq kóshi-qon zańynyń talaptaryn buzǵan 200-den astam adam anyqtalyp, 70-ten astam adam arnaıy qabyldaý oryndaryna jóneltildi.
