OQO-da 280 oryndyq jańa balabaqsha ashyldy
ASTANA. QazAqparat - El Táýelsizdiginiń 25 jyldyǵyna oraı, Sozaq aýdany Sholaqqorǵan aýylynda 280 oryndyq «Aıshýaq» bóbekjaı-balabaqshasy ashylyp, el ıgiligine paıdalanýǵa berildi.
Ashylý saltanatyna oblys ákiminiń orynbasary J.Bókenbaev pen QazTransOıl» aktsıonerlik qoǵamynyń bas dırektory D.Dosanov qatysyp, turǵyndardyń qýanyshymen bólisti, dep habarlaıdy oblys ákiminiń baspasóz qyzmeti.
«QazTransOıl» aktsıonerlik qoǵamynyń demeýshilik qarjysy esebinen salynǵan bóbekjaıda balalarǵa barlyq jaǵdaı qarastyrylǵan. Munda búginde jalpy sany 83 qyzmetker jumyspen qamtylyp otyr.
Qurylys alańynyń jalpy aýmaǵy 3 281 sharshy metrdi qurasa, onyń ishinde 1 822 sharshy metri balabaqsha ǵımaraty, al 1 459 sharshy metri kórkeıtý-kógaldandyrý alańy bolyp otyr.
Jalpy Sozaq aýdanynda 36 mektepke deıingi bilim berý uıymy bar, onyń on biri shaǵyn ortalyq, segizi jeke menshik nysanda qyzmet kórsetedi. Osy jyldyń ózinde tórt balabaqsha ashylsa, jyl sońyna deıin úsh balabaqsha ashylady dep kútilýde. Osylaısha, balabaqshamen qamtylǵandar sany bıyl 3 530-ge jetip, 88,8 paıyzdy qurady.
