OQO-da 2707 etnıkalyq qazaqqa oralman mártebesi berildi

ShYMKENT. QazAqparat - Ońtústik Qazaqstan oblysynda 13 arnaýly áleýmettik qyzmet kórsetý ortalyqtary bar. Odan bólek aýdandarda 7 kúndizgi qatynaý bólimi jumys jasaıdy. Búgin bul týraly OQO óńirlik kommýnıkatsııalar qyzmetinde ótken brıfıngte oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Muhıt Otarshıev málim etti, dep habarlaıdy óńirlik ákimdiktiń baspasóz qyzmeti.

«Aıta keterligi, jańa formattaǵy ataýly áleýmettik kómek.  Onyń qazirgi áleýmettik tólemderden basty  aıyrmashylyǵy, ol turmysy tómen azamattarǵa nemese otbasylarǵa kórsetiletin qoldaýdyń úsh túrin bir paketpen usyný bolyp tabylady. Olar: ataýly áleýmetti kómekti tóleý, memleket tarapynan jumysqa turýǵa járdemdesý jáne  áleýmettik beıimdeý sharalarymen qamtamasyz etý. Jańa formattaǵy kómek tabysy eń tómengi kúnkóris deńgeıiniń 50 paıyzynan tómen otbasylarǵa nemese azamattarǵa shartsyz nemese shartty aqshalaı kómek túrinde taǵaıyndalady», - dedi Muhıt Otarshıev.

 

Sondaı aq, basqarma basshysynyń aıtýynsha, 8530 muqtaj azamat arnaýly áleýmettik  qyzmetpen qamtylǵan. 2017 jyly memlekettik áleýmettik tapsyrys sheńberinde respýblıkalyq bıýdjet esebinen 155,6 mln. teńgege 8 úkimettik emes uıym 700 muqtaj azamattarǵa arnaýly áleýmettik qyzmetterdi usynǵan. Sonymen qatar, oblysta zeınetkerler sany 233 850 adamǵa jetip otyr. Bul oblys halqynyń 8 paıyzyn quraıdy.

Budan bólek, oblystyq jáne jergilikti bıýdjetter esebinen zeınetkerlerge qoldaý kórsetý baǵytynda birqatar sharalar qabyldanǵan. Onyń sheńberinde jyl saıyn 8 myń zeınetker basqarmaǵa qarasty «Ardagerler» jáne «Meıir ardagerler» úılerinde saýyqtyrý sharalarymen qamtamasyz etiledi.