OQO-da 2550 kópbalaly ana altyn jáne kúmis alqalar taǵyndy
ASTANA. QazAqparat - Ońtústik Qazaqstan oblysynda kóp balaly analardyń sany jyldan jylǵa artyp keledi.
Máselen, jańa 2017 jyldyń 1 qańtaryndaǵy málimetke sáıkes, óńirde halqymyzdyń demografııasyna úles qosyp júrgen analardyń sany 169 198-ge jetti. Onyń ishinde, 6193 áıel Batyr ana bolsa, 25 482-si - «Altyn-alqa», 34 744-si «Kúmis-Alqa» ıegeri. Al, 8878 áıel І-ІІ dárejeli Ana Dańqy ordeniniń ıegeri, 93 901 azamatsha 18 jasqa deıingi 4 jáne odan kóp balasy bar analardyń qataryn tolyqtyrǵan, dep habarlaıdy QazAqparat OQO ákimdigine silteme jasap.
2016 jyly oblystaǵy kópbalaly 479 ana - «Altyn alqa», 2071-i «Kúmis alqa» taqty.
Aıta ketý kerek, bul 2015 jylmen (150 327) salystyrǵanda 18 871-ge kóp. Kóshti bastap turǵan Shymkent qalasynyń turǵyndary. Oblys ortalyǵyndaǵy analardyń qatary 35 703. Shymkentten keıingi orynda Saryaǵash pen Maqtaaral aýdandary tur. Saryǵashta 23 793 altyn qursaqty ana bolsa, Maqtaaralda 23 239 názik jandy kópbalaly retinde tirkelgen.
Osylaısha, kóp balaly názik jandylar kóshin Túrkistan, Saıram, Qazyǵurt, Ordabasy, Tólebı, Shardara, Túlkibas, Arys, Báıdibek, Otyrar, Sozaq aýdandary men Kentaý qalasynyń aq jelekti, altyn qursaqty analary jalǵaıdy.
