OQO-da 250 adam «Nur Otan» partııasynyń kadrlyq rezervine alyndy
ShYMKENT. QazAqparat - Ońtústik Qazaqstan oblysynda 250 adam «Nur Otan» partııasynyń kadrlyq rezervine alyndy. Bul týraly kóshbasshy partııa fılıaly tóraǵasynyń orynbasary Qalyıma Jantóreeva málimedi, dep habarlaıdy QazAqparat HAA tilshisi.
Qalyıma Jantóreqyzynyń sózinshe, 3 mıllıonǵa jýyq halqy bar óńirde tańdaýlylar qataryna engen 250 adamnyń 30 paıyzyn názik jandylar quraýy kerek. Alaıda kúngeıde bul kórsetkish tipti, 16 paıyzǵa jetpeıdi. Sondaı-aq jaqyn merzimde rezervke engender máslıhat depýtattyǵyna, partııa fılıaldarynyń saıası keńesi men qoǵamdyq keńester músheligine birinshi kezekte usynylmaqshy.
Aıta keteıik, «Nur Otan» partııasynyń kadrlyq rezerv týraly erejesiniń talaptaryna sáıkes keletin jáne testileýge jiberilgen kandıdattardyń tizimi partııanyń veb-saıtynda jarııalanatyn bolady. Áńgimelesýge jiberilgen kandıdattar ony aımaqtyq fılıalda partııanyń veb-saıtynda áńgimelesý kestesi jarııalanǵannan keıin úsh jumys kúni ishinde ótedi. Testileý men áńgimelesýdi ótkizý kúni men orny týraly aqparat partııanyń https://nurotan.kz/ veb-saıtynda ornalastyrylatyn bolady. Úmitkerlerdiń qylmystyq jáne ákimshilik jaýapkershilikke tartylmaýy, sybaılas jemqorlyqqa jaǵdaı jasaıtyn teris qylyqtarynyń, alynyp tastalmaǵan partııalyq jazalarynyń bolmaýy jónindegi talaptar ár deńgeı úshin mindetti bolyp tabylatynyna da nazar aýdarylady.
