OQO-da 25 ret mal urlady degen kúdik keltirilgen 3 azamat ustaldy
ShYMKENT. QazAqparat - Ońtústik Qazaqstan oblysynda 25 ret mal urlady dep kúdik keltirilip otyrǵan azamattar qolǵa tústi. Óńirdiń tártip saqshylary qolǵa túsken kúdiktiler bes aýdannyń tórt túligin qoldy etkendigin kelgenin aıtady, dep habarlaıdy QazAqparat HAA tilshisi.
Kúdiktiler qylmystyq áreketterin Ordabasy, Sozaq, Arys, Báıdibek jáne Qazyǵurt aýdandarynda jasap júripti. Máselen, osy jyldyń naýryz aıynda bul top Ordabasy aýdanyndaǵy jaıylymnan eki sıyrdy urlap ketedi. Quny 300 myń teńgedeı bolatyn qara maldy satyp, aqshasyn ózara bólip alǵan. Urlanǵan maldardy negizinen túngi ýaqytta qorajaıdan, úıdiń aýlasynan, qala berdi jaıylymnan aıdap kete bergen. Ákki urylardan ábden sharshaǵan aýyl turǵyndary aýdandyq ishki ister basqarmalaryna aryzdanady.
Osydan keıin jan-jaqty jedel-izdestirý sharalary júrgizilgen. Ordabasy aýdandyq ІІB qyzmetkerleri osyndaı sharalar barysynda úsh adamnan quralǵan qylmystyq topty qolǵa túsirdi. Ustalǵan úsheý de Shymkenttiń 22, 23 jáne 26 jastaǵy turǵyndary bolyp shyqty.
Tergeý barysynda seziktiler 25 ret mal urlyǵyn jasaǵanyn moıyndaǵan. Qazirgi tańda olardyń ústinen Qylmystyq kodekstiń 188 «Tonaý» babymen is qozǵalyp, tergeý amaldary júrgizilýde. Kúdiktiler ýaqytsha tergeý abaqtysyna qamalyp, urlanǵan maldardyń birqatary ıelerine qaıtaryldy.
