OQO-da 25 myń jer ýchaskesi beriledi
ASTANA. QazAqparat - Ońtústik Qazaqstan oblsynda 172 myń adam jer telemi kezeginde tur. Bul týraly búgin OQO ákimi Janseıit Túımebaev málim etti, dep habarlaıdy QazAqparat.
«Oblysymyz boıynsha 87 214 adam páter alý kezeginde tur. Kezekte turǵandardyń máselesin sheshý maqsatynda biz jylyna túrli qarjy kózderin, onyń ishinde memlekettik- jekemenshik áriptestik mehanızmin paıdalana otyryp, jylyna 1 mıllıonnan kem emes sharshy metr turǵyn úıdi tapsyrýdy josparlap otyrmyz»,-dedi Túımebaev Ortalyq kommýnıkatsııalar qyzmetindegi baspasóz máslıhatynda.
Onyń sózine qaraǵanda, jyl basynan beri 206 myń sharshy metr turǵyn úı paıdalanýǵa berildi.
Jalpy aǵymdaǵy jyly baǵdarlama aıasynda kólemi 700 myń sharshy metrdi quraıtyn 8 052 páter paıdalanýǵa beriledi.
«Oblysymyzda 172 myń adam jer telemi kezeginde tur. 2021 jylǵa deıin 25 736 ýchaske jeke turǵyn úı salý úshin ınjenerlik-ınfraqurylymmen qamtamasyz etiledi»,-dedi oblys ákimi.
