OQO-da 2017 jyly tapsyrylǵan turǵyn úı kólemi 36 paıyzǵa artqan
ASTANA. QazAqparat - Ońtústik Qazaqstan oblysynda 2017 jyly jalpy alańy 721 myń sharshy metrdi quraıtyn 7482 páter el ıgiligine tapsyryldy. Bul 2016 jylmen salystyrǵanda 36,2 paıyzǵa kóp. Bul týraly OQO óńirlik kommýnıkatsııalar qyzmetinde ótken brıfıngte oblystyq statıstıka departamentiniń basshysy Aıdar Ábildabekov málim etti.
«2017 jyly qurylys 234 145 mln. teńgeni qurap, 2016 jylǵy tıisti kezeńine qaraǵanda 5,3 paıyzǵa kóbeıgen. Qurylys jumystarynyń jalpy kóleminiń 54,3 paıyzy turǵyn jáne turǵyn emes ǵımarattar qurylysyna tıesili», - dedi AıdarAhmetbekuly.
Aıta keterligi, 2017 jyly respýblıka boıynsha paıdalanýǵa berilgen turǵyn úılerdiń 6,5 paıyzy Ońtústik Qazaqstan oblysynyń enshisine tıdi. 2016 jylmen salystyrǵanda ósim boıynsha oblys respýblıkada 2-oryndy ıemdenip otyr.
