OQO-da 2016 jyly 72 myńnan astam adam áleýmettik qoldaýǵa ıe boldy
ShYMKENT. QazAqparat - Ońtústik Qazaqstan oblysynda ótken 2016 jyldyń qorytyndysy boıynsha «Jumyspen qamtý 2020 jol kartasy» baǵdarlamasy aıasynda 72176 adam áleýmettik qoldaý sharalarymen qamtylyp, jyldyq jospar 126,2 paıyzǵa oryndaldy. Onyń ishinde, 29156 adam ózdiginshe jumyspen qamtylǵandar bolsa, 43020 adam jumyssyzdar retinde qoldaýǵa ıe bolǵan, dep habarlaıdy QazAqparat HAA tilshisi oblys ákimdiginiń baspasóz qyzmetine silteme jasap.
Al eki sanatqa qatysty 5624 azamat az qamtamasyz etilgender esebinde kómekke qol jetkizgen. Atalǵan jumystardy júzege asyrý úshin bólingen 18,8 mlrd. teńge baǵdarlamanyń úsh baǵyty boıynsha ıgerilip, jumsaldy. Atap aıtqanda, «Jumyspen qamtý 2020» baǵdarlamasynyń birinshi baǵyty boıynsha respýblıkalyq bıýdjetten 8,5 mlrd.teńge bólinip, bul qarjyǵa 2016 jyly 562 jobany qarjylandyrý múmkin bolǵan. Infraqurylymdy jáne turǵyn úı-kommýnaldyq sharýashylyqty damytý esebinen jumyspen qamtýdy qamtamasyz etý baǵyty negizinde bilim berý, mádenıet, densaýlyq saqtaý, sport syndy áleýmettik salalarda kúrdeli jáne aǵymdaǵy jóndeý jumystary júrgizildi. Jobany júzege asyrý barysynda 3680 jumys ornyn ashý josparlanyp, nátıjesinde, 3767 jańa jumys orny quryldy. Onyń 2116-sy jumyspen qamtý ortalyqtary esebinen oryndalǵan.
Ekinshi baǵyt - aýylda kásipkerlikti damytý arqyly jumys oryndaryn qurý jáne tirek aýyldardy damytý baǵdary aıasynda 7,2 mlrd. teńge qarastyrylǵan bolatyn. Bul qarjynyń 7237,5 mln. teńgesi 2072 adamdy shaǵyn nesıelendirý jumystaryna uqsatylsa, 10,3 mln. teńgesi 514 adamdy kásipkerliktiń negizderin oqytýǵa jumsalǵan.
Úshinshi baǵyt (Jumys berýshiniń qajettiligi sheńberinde oqytý jáne qonys aýdarý arqyly jumysqa ornalasýǵa járdemdesý) boıynsha 3,1 mlrd. teńge jumsalǵan. Tórt bólikten turatyn baǵytty naqtyraq aıtsaq, baǵdarlama sheńberinde 49174 belsendi qatysýshyǵa jumysqa ornalasýǵa járdem berilip, onyń 36218-si turaqty, 12956-sy ýaqytsha jumysqa ornalasqan. Al kásibı oqytý sharalaryna 500 adam qatysyp, onyń 498-i qaıta daıarlaý kýrsyndaǵy oqýdy aıaqtap, turaqty jumyspen qamtylǵan. Áleýmettik jumys oryndaryn ashý bóligi boıynsha2017 jyldyń 1 qańtaryna 4972nysanaly toptaǵy azamattarǵaáleýmettik jumys oryndary qurylyp, 4 myń adam (jospar 124,3 paıyz) jumyspen qamtyldy. Sonymen qatar, jastar praktıkasyn uıymdastyrý jumystary negizinde 5135 azamat (jyldyq jospar - 4 200 adam) jastar praktıkasyna joldandy.Aıaqtaǵan5135 adamnyń 3890-y (75,8%) turaqty jumyspen qamtyldy. 2017 jyldyń 1 qańtaryna 8175 adam ýaqytsha qoǵamdyq jumyspen qamtyldy.
Atqarylǵan jumystardyń nátıjesinde, 2016 jyldyń 3 toqsanyndaǵy statıstıkalyq málimetterge sáıkes jumyssyzdyq deńgeıi 5,1 paıyzdy (respýblıkadaǵy ortasha deńgeıi 4,9%), jastardyń (15-28 jas aralyǵynda) jumyssyzdyq deńgeıi 3,5 paıyzdy (respýblıkada 3,9%), áıelderdiń jumyssyzdyq deńgeıi 6,3% paıyzdy (respýblıkadaǵy ortasha deńgeıi 5,7%) qurady.
Almas SULTAN
