OQO-da 20 jastaǵy jigit jeke tasymaldaýmen aınalysyp júrgen azamatty óltirdi
ASTANA. 4 sáýir. QazAqparat - OQO-da 20 jastaǵy jigit jeke tasymaldaýmen aınalysyp júrgen azamatty óltirip, kóligin ıemdengen.
Bul týraly búgin Astanada ótken brıfıngte Іshki ister mınıstrliginiń resmı ókili Nurdildá Oraz málim etti.
Onyń sózine qaraǵanda, Ońtústik Qazaqstan oblysynyń Lenger qalasynda krımınaldyq polıtsııa qyzmetkerleri paıdakúnemdik maqsatta kisi óltirgen 20 jastaǵy jergilikti turǵyndy quryqtap, ýaqytsha ustaý abaqtysyna qamaýǵa aldy.
«Aǵymdaǵy jylǵy naýryz aıynyń ortasynda Saıram aýdanynyń Lenger tas jolynyń boıynda ornalasqan JEO-3 janyndaǵy aryqta belgisiz adamnyń pyshaqtalǵan máıiti tabyldy. Tekseris barysynda máıttiń kim ekeni anyqtaldy, ol iz-tússiz joǵalyp, izdestirýde júrgen Shymkent qalasynyń 33 jastaǵy turǵyny bolyp shyqty»,-dedi resmı ókil.
Keıingi is-sharalar barysynda jábirlenýshi bir kún buryn óziniń úıinen avtomashınasymen shyǵyp, oralmaǵany anyqtaldy. Jeke tasymaldaýmen aınalysyp júrgen jábirlenýshi, jol boıynda kúdiktini mashınaǵa otyrǵyzǵan. Kúdikti jábirlenýshige pyshaq salyp, óltirgen, sodan keıin mashınany ıelenip, qashyp ketken.
Urlanǵan avtomashına tabyldy. Bul is boıynsha tergeý amaldary júrgizilýde.
