OQO-da 2 mln teńgeniń altyn buıymdaryn urlaǵan kúdikti ustaldy
ShYMKENT. QazAqparat - Shymkentte iri kólemde altyn buıymdardy urlaǵan kúdikti ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, seziktini ustaýǵa jergilikti turǵynnyń Eńbekshi polıtsııa bólimine aryzdanýy sebep bolypty. Ol belgisiz tulǵanyń úıine jasyryn kirip, jalpy quny 2 mıllıon teńgeden asa turatyn altyn buıymdaryn urlap ketkenin kórsetken. Osy derek boıynsha oblystyq ishki ister departamenti men UQK jáne Eńbekshi polıtsııa bólimi qyzmetkerleri birlesken jedel -izdestirý sharalaryn júrgizgen. Nátıjesinde osy qylmysqa qatysy bar degen kúdikpen buryn sotty bolǵan, orta jastaǵy er adam ustaldy. Tergeý barysynda seziktiniń jábirlenýshiniń úıine kilt tańdaý arqyly kirip, altyn buıymdaryn qoldy etkeni belgili boldy. Al, urlanǵan altyndardy satý oryndaryna ótkizip, aqshany óz qajetine jumsaǵan.
Qazirgi tańda kúdikti qamaýǵa alynyp, onyń ústinen Qylmystyq kodekstiń «Urlyq» babymen is qoǵaldy. Sotqa deıingi tergeý amaldary júrgizilýde.
