OQO-da 170 mln teńgeni jymqyrǵan shendiler men olardyń sybaılastary sottaldy
ShYMKENT. QazAqparat - Ońtústik Qazaqstan oblysynda 170 mln teńgeni jymqyrǵan shendiler men olardyń sybaılastary sottaldy. Oblystyq qurylys basqarmasynyń jáne Shymkent qalalyq qurylys bóliminiń burynǵy basshylary Kúmisbek Orashev pen Erkin Buharbaev Badam ózeniniń saǵasyn abattandyrý jumysyna bólingen qomaqty qarajatty qaltasyna basty dep aıyptalǵan bolatyn. Urlanǵan teńigeni jalǵan kásiporyndar arqyly qolma-qol aqshaǵa aınaldyrǵan sybaılastyryna da sot úkimi shyqty, dep habarlaıdy QazAqparat HAA tilshisi.
Ál-Farabı aýdandyq soty eki sheneýnik pen «Turan qurylys» JShS-niń burynǵy sarapshy mamany Smahanovqa 4 jyl 6 aıǵa bas bostandyǵyn shekteý jazasyn taǵaıyndady. Al, tórtinshi aıyptalýshy, fırmanyń dırektory Shımırov úsh jylǵa shartty túrde jaza arqalady.
Іsti qaraǵan aýdandyq sottyń tóraǵasy Maratáli Beknazarovtyń sózinshe, kásipkerdiń jasy alpystan asqan soń, oǵan jaza taǵaıyndaý barysynda raqymshylyq zańy qoldanylǵan. Sottalǵandar sondaı-aq memleketke keltirgen shyǵyn kólemin tolyq ótep qoıypty.
Eske salaıyq, sottalǵan tórteý ótken jyly Sybaılas jemqorlyqqa qarsy ulttyq bıýro qyzmetkerleri tarapynan ustalǵan bolatyn. Urlanǵan 170 mln teńge jalǵan kásiporyndar arqyly qolma-qol aqshaǵa aınaldyrylyp, qylmysqa qatysýshylar arasynda bóliske salynǵan. Tergeý barysynda olardyń qylmystary tolyǵymen dálelin tapqan bolatyn.
