OQO-da 161 nysannyń zańsyz salynǵany anyqtaldy
ShYMKENT. QazAqparat - Ońtústik Qazaqstan oblysynda zańsyz qurylys salý isine tyıym bolmaı tur. Oblystyq memlekettik sáýlet-qurylys baqylaý basqarmasy ótken jyldyń ózinde zańsyz salynǵan 161 nysandy anyqtady, dep habarlaıdy QazAqparat tilshisi.
Basqarma basshysy Rahmet Bektaevtyń sózinshe, óńirde zań talaptaryn oryndamaıtyn tehnıkalyq qadaǵalaýshy mamandardyń da sany artqan.
Basqarma tarapynan ótken jyly 3 myńnan asa nysannyń qurylysyna tekserý júrgizilip, 651 kemshilik anyqtalǵan. Olardyń 173-i merdiger mekemelerge qatysty bolsa, 14-i jobalaýshy mekemelerge tıesili. Sonymen qatar, 38 tehnıkalyq qadaǵalaýshy mamannyń da zań talabyn oryndamaǵany áshkere boldy. Onyń ishinde birneshe jyldan beri osy salada jumys istep júrgenderi de bar. Al, zańsyz salynǵan nysandardyń kóbi - kommertsııalyq oryndar deıdi mamandar.
Olardyń sany jaǵynan Shymkent qalasy kósh bastap tur. Basqarma bergen aqparatqa súıensek, oblys ortalyǵynda ruqsat etilmegen jerde boı tiktegen 83 nysan bar. Búginde olardy buzý jóninde is sotqa joldanǵan.
