OQO-da 150 tonna júzim eksporttaldy
ShYMKENT. QazAqparat - Qazyǵurt aýdanyndaǵy «Amankeldi» JShS 150 tonna júzimi eksporttaıdy. Bul týraly oblys ákimdiginiń baspasóz qyzmeti habarlady.
Búgin Ońtústik Qazaqstan oblysy ákimdiginiń baspasóz qyzmetiniń uıytqy bolýymen respýblıkalyq jáne oblystyq jýrnalısterge Qazyǵurt aýdanyndaǵy «Amankeldi» JShS-na press-týr uıymdastyryldy.
Tilshiler onda sharýa qojalyǵyndaǵy júzim alqaby men baý sharýashylyǵymen tanysyp, ondaǵy jumysshylarmen suhbattasty.
Búginde 150 gektar alqapqa egilgen júzimniń kúzdik túrleri jınalyp, rekordtyq kórsetkishke qol jetkizýde. Osy kúnge deıin jınalǵan ónimniń 150 tonnasy Reseıge jóneltse, basqa jemisterdiń 100 tonnasyn shetelge eksporttaǵan. Kúzdik jıyn-terim qyzý júrip jatqan sharýa qojalyqta búginde 150 tonna júzim, 100 tonna alma, 80 tonna qara órik pen 80 tonna almurt ashanalyq-sortty jemister jınalǵan. Jınalǵan ónimder balǵyn túrinde kúndegisi naryqqa saýdalanýda.
Jalpy aýdanda 2 266 gektar alqapqa baý-baqsha ónimderi egilgen bolsa, onyń 500 gektary osy seriktestikke tıesili.
Munan bólek, sharýashylyqta 2 myń tonnalyq jemis-jıdek pen kókónis saqtaıtyn muzdatqysh qoımasy bar. Búginde Nurlan Quralov basshylyq etip otyrǵan «Amankeldi» JShS-ne 3800 azamat maýsymdyq jáne turaqty jumysqa ornalasqan.
