OQO-da 15 jastaǵy jasóspirim polıtseıdiń kóligin soǵyp ketti
ShYMKENT. QazAqparat - Ońtústik Qazaqstan oblysynda 15 jastaǵy jasóspirim jol patrýldik polıtsııasy men júk kólikterin soǵyp ketti. Oblystyq polıtsııa qyzmetkerleri osy oqıǵaǵa qatysty ákimshilik quqyq buzýshylyq týraly is qozǵady, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, jol kólik oqıǵasy 10 mamyr kúni Saryaǵash aýdanynda bolǵan. Áleýmettik jelige taraǵan vıdeoda jol patrýldik polıtsııasynyń kóligi júk mashınasymen soqtyǵysyp qalǵany túsirilgen edi. Ony kórgender tártip saqshylary jol kólik oqıǵasyn jasaǵan dep oılaǵan bolatyn. Alaıda óńirdiń ІІD baspasóz qyzmeti jol kólik oqıǵasyna jasóspirim kináli ekenin jetkizdi.
"15 jastaǵy jasóspirim ruqsatsyz ata-anasynyń Hyundai Starex kóligin minip, jolǵa shyǵyp ketken. Biraq rýlge ıe bola almaı, júk kóligi men jol patrýldik polıtsııasynyń mashınasyn soqqan. Qazirgi tańda bul jaǵdaı ákimshilik quqyq buzýshylyq tártibimen qaralýda. Óıtkeni eshkim jaraqat almaǵan. Materıaldyq shyǵyn óndiriledi», - dedi oblystyq ІІD baspasóz qyzmetiniń ókilderi.
