OQO-da 15 jastaǵy balyqshyny bir táýlikten astam ýaqyt boıy izdep jatyr

OQO TJD qutqarý jasaǵynyń resmı ókili Pavel Vıshenın málim etkendeı, bul týraly habar Báıdibek aýdanynan 9 shildede kúndiz kelip túsken.

«Qońyraý shalǵandar 2000 jyly týǵan jetkinshek 8 shildede balyq aýlaýǵa shyǵyp, úıine oralmaǵanyn aıtqan. Ol Báıdibek aýdany Aqtas aýylynyń turǵyny ekeni belgili. Qutqarý jasaǵynyń jeke quramy joǵalǵan azamatty izdeýde», - dedi Pavel Vıshenın.

Bastapqyda jas balyqshyny qutqarý jasaǵynyń 8 ókili, 10 polıtseı jáne 50 jergilikti turǵyn izdegen. Olar 4 topqa bólinip, birneshe saǵat boıy Boraldaı ózeniniń jaǵalaýy men shatqalyn teksergen. Bireýler jaıaý, endi bireýler atqa minip izdegen. Túnde izdeý toqtatylyp, tańǵy saǵat 6-da qaıta bastaldy.

Búgin qosymsha top balyqshy joǵalǵan orynǵa jetti. Іzdeý jasaǵyna 7 qutqarýshy men 1 kınolog qosyldy.

Ázirge izdeý jumystary esh nátıje bermeı otyr.