OQO-da 14 mashına-traktorlar stansasy quryldy
ShYMKENT. QazAqparat - OQO-da 14 mashına-traktorlar stansasy quryldy. Bul týraly oblys ákimdiginiń baspasóz qyzmeti habarlady.
Aýylsharýashylyq ónimderiniń kólemin ulǵaıtýdy, eksportqa shyǵarýdy qamtamasyz etýde usaq taýar óndirýshilerdiń máselelerin keshendi sheshý úshin, QR «Aýyl sharýashylyǵy kooperatıvteri týraly» Zańyna sáıkes, oblysta kooperatıvterdi qurý belsendi júrgizilýde.
Búgingi kúnge oblysta 8 myńnan asa usaq fermerlik sharýashylyqtar 81 aýyl sharýashylyq óndiristik kooperatıvterge birigip, jumys atqarýda. Olar damý baǵyttary boıynsha 19 birlik maqta sharýashylyǵy, 30 birlik astyq, 4 birlik sút óndirisi, 13 birlik iri jáne usaq mal sharýashylyǵy, 3 túıe sharýashylyǵy, 3 júgeri ósirý, 4 jylyjaı, 5 taǵy basqa sharýashylyqtardan quralyp otyr.
Sonymen qatar, bıylǵy jyly oblysta 14 mashına-traktorlyq stansasy qurylǵan. MTS-ter quramynda 108 dońǵalaqty traktorlar, 7 shynjyr tabandy traktorlar, 28 astyq oratyn,9 jem-shóp oratyn, 4 júgeri oratyn kombaındar men 186 basqa tehnıkalar bar.
