OQO-da 137,4 mln teńge jalaqy qaryzy óndirilmegen
ShYMKENT. QazAqparat - Ońtústik Qazaqstan oblysynda úsh kásiporyn jumysshylaryna 137,4 mıllıon teńge jalaqy qaryzyn tólemeı otyr.
Úsh jyldan beri qordalanǵan qaryzdy qaıtarý isi búginde sotta qaralýda. Bul týraly oblys ákimdiginde ótken azamattardyń eńbek quqyqtaryn qorǵaý men eńbek qatynastardy retteý máseleleri boıynsha ótken jıynda aıtyldy, dep habarlaıdy QazAqparat tilshisi.
Oblys ákiminiń orynbasary Erbol Sadyrdyń tóraǵalyǵymen ótken májiliste Oblystyq eńbek ınspektsııa basshylyǵy eńbek zańnamasyn buzǵan kásiporyndardy atap ótti. Bıylǵy jyldyń ózinde jekemenshik seriktestik jumysshylaryna 5 mln teńge jalaqysyn tólemeı otyr. Al, ótken jyldyń qorytyndysy boıynsha mekemeler men kásiporyndarda 1027 tekserý júrgizilip, 1308 zańbuzýshylyq anyqtalǵan. 45 kásiporyn men mekeme 1247 jumyskerge 158 mln teńge jalaqy qaryzyn bermepti. Jıynda osy syndy ózekti problemalar sóz bolyp, mekeme basshylarynyń ýájderi tyńdaldy.
Oblys ákiminiń orynbasary basqosýda jalaqydan qaryzy bar mekemeler basshylaryna jumyskerlerdiń jalaqysyn tóleý boıynsha tıisti is-sharalardy atqarýdy tapsyrdy. Barlyq aýdan, qala ákimderine jáne tıisti basqarmalar basshylaryna jalaqy qaryzyn anyqtaýdy emes, onyń aldyn alý maqsatynda júıeli jumystar júrgizýdi mindettedi.
Jıynda sonymen qatar Oblystyq eńbek ınspektsııasy basqarmasynyń basshysy Almasbek Mamytbekov jumysshylardyń quqyqtaryn qorǵaý men eńbek qatynastaryn retteý boıynsha sóz sóılep, QR Eńbek jáne halyqty áleýmettik qorǵaý mınıstrligi usynǵan jol kartasy boıynsha atqarylatyn mindetterdi atap ótti. Basqarma basshysynyń sózinshe, ózin-ózi jumyspen qamtyǵan azamattarǵa salyq organdaryna tirkelý jóninde habarlamalar taratý men olardyń salyq organdaryna tirkelýi syndy is-shara josparynda júzge jýyq mindettemeler kórsetilgen.
Jıyndy qorytyndylaǵan oblys ákiminiń orynbasary Erbol Sadyr barlyq aýdan, qala ákimderine jáne tıisti basqarma basshylaryna Jol kartasy boıynsha bekitilgen is-sharalar josparynyń ýaqtyly oryndalýyn tapsyryp, onyń qorytyndysy boıynsha aıdyń sońynda esep berýlerin mindettedi.
