OQO-da 130 múmkindigi shekteýli janǵa qolarba tabys etildi
ShYMKENT. QazAqparat - Ońtústik Qazaqstan oblysy Ordabasy aýdanynda 130 múgedekke qolarba tabys etildi. Bul týraly aýdandyq áleýmettik baǵdarlamalar jáne jumyspen qamtý bóliminiń basshysy Gúljan Dosova aıtty, dep habarlaıdy QazAqparat HAA tilshisi.
56 jarymjanǵa qolarba satyp alý úshin tıisti qarajat oblystyq qazynadan qaralsa, qalǵan 74-ne aýdandyq bıýdjetten bólingen. Aýdanda áleýmettik kómek kórsetý bólimshesinde tirkelgen 97 qarııaǵa 23 maman bekitilgen.
Al múmkindigi shekteýli balalarǵa úıde áleýmettik kómek kórsetý bólimshesinde 95 bala jáne 18 jastan asqan, júıke aýrýymen aýyratyn 12 adamdy esepke alynǵan. Bul azamattarǵa 20 áleýmettik qyzmetker turaqty qyzmet kórsetýde. Túrkistan aımaqtyq múgedek balalardy ońaltý ortalyǵyna 24 balaǵa joldama berildi. Úılerinde sabaq alatyn 131 múmkinshiligi shekteýli oqýshyǵa 2016-2017 oqý jylynda 2 mıllıon 80 myń teńge járdemaqy taǵaıyndalyp, tolyǵymen tólendi.
Almas Sultan
