OQO-da 13 jyl buryn kisi óltirdi degen kúdikpen Ózbekstan azamaty ustaldy
ShYMKENT. QazAqparat - Ońtústik Qazaqstan oblysynda 13 jyl buryn kisi óltirdi dep kúdik keltirilgen azamat ustaldy. Іzdeýde júrgen 36 jastaǵy Ózbekstan azamaty 2004 jyly Shardara aýdanynyń turǵynyn óltirip, máıitin Shardara sý qoımasy mańyndaǵy qamystardyń arasyna tastap ketken bolatyn, dep habarlaıdy QazAqparat tilshisi.
Shardara aýdandyq ІІB-nyń jedel iz kesýshileri máıittiń túr-tulǵasyn qaraý barysynda onyń mehanıkalyq asfıktsııa (tunshyqtyrý) nátıjesinde qaıtys bolǵanyn ári marqumnyń Maqtaral aýdanynyń 1961 jyly týǵan turǵyny ekenin anyqtady. Atalǵan jáıt boıynsha «kisi ólimi» babymen qylmystyq is qozǵalyp, kisi óltirýshige izdeý jarııalaǵan bolatyn.
Іshki ister organdary qurylymdaryna jáne Qazaqstan Respýblıkasynan tys jerlerge izdeý jiberilgen edi. Arada 13 jyl ótken soń ǵana seziktiniń kórshi Ózbekstan Respýblıkasynda jasyrynyp júrýi múmkin ekeni belgili boldy. Ol elge arnaıy jedel-tergeý toby jiberilip, jedel-izdestirý is-sharalarynyń barysynda 1981 jyly týǵan Ózbekstan azamaty qolǵa tústi. Qazirgi tańda Mınsk konventsııasyna sáıkes qylmystyq is protsesýaldy sheshim qabyldaý úshin Ózbekstan Respýblıkasyna jiberildi.
