OQO-da 120 telefondy qoldy etken urylar toby ustaldy
ShYMKENT. QazAqparat - Ońtústik Qazaqstan oblysynda uıaly telefon urlyǵyna qatysty 850-ge jýyq qylmystyń beti ashyldy, dep habarlaıdy QazAqparat tilshisi.
Іshki ister qyzmetkerleri baılanys quraldary negizinen halyq kóp júretin oryndar men bazarlarda, qoǵamdyq kólikterde qoldy bolatynyn aıtýda.
Uıaly telefon urlyǵyna saraptama júrgizgen tártip saqshylary baılanys quraldarynan kóbine áıelder men balalar aıyrylyp qalatynyn atap ótýde. Oblystyq ІІD-niń arnaıy qurylymdary urlyqtyń osy túrin kásip etken eki birdeı qylmystyq top músheleri men 3 ákki uryny qolǵa túsirdi. Búgingi tańda ustalǵandardyń 120 telefon urlyǵyna qatystylyǵy anyqtaldy.
Qazirgi tańda seziktilerge qatysty Qylmystyq kodekstiń «tonaý» jáne «Qylmystyq top qurý» baptarymen is qozǵalyp, tergeý amaldary júrgizilýde. Birqatar is sotqa joldanyp, qylmyskerler tıisti jazalaryn aldy.
