OQO-da 12 adamnan turatyn qylmystyq top músheleri sottaldy
ShYMKENT. QazAqparat - Ońtústik Qazaqstan oblysynda 12 adamnan turatyn uıymdasqan qylmystyq top músheleri sottaldy. Olarǵa jalǵan qujat jasaý arqyly salyqtan jaltarýǵa qolǵabys etken degen aıyp taǵyldy, dep habarlaıdy QazAqparat tilshisi.
Oblystyq qylmystyq ister jónindegi aýdanaralyq sotynyń sýdıasy Dáýren Madalıevtiń aıtýynsha, top músheleri 2013 pen 2016 jyldar aralyǵynda jalǵan eseptik qujattar jasap, kommertsııalyq uıymdarǵa usynyp otyrǵan.
«Jalǵan qujattardyń arqasynda kásipkerler qoldan shyǵynyn kóbeıtip jazyp, salyqty az tólep otyrǵan. Osylaısha memleketke 300 mln teńgeden asa aqsha túspeı qalady. Sot barysy kezinde aıyptalýshylardyń jasaǵan qylmystaryna baılanysty túrli merzimdegi jazalar taǵaıyndaldy. Topty uıymdastyrǵan eki adam 7 jyldan jaza arqalasa, 8 adam 5 jyldan asa merzimge bas bostandyqtarynan aıyryldy. Eki aıyptalýshy raqymshylyqqa ilingen. Olar sot zalynan bosatyldy»,- deıdi sýdıa Dáýren Madalıev.
