OQO-da 100-shi ret búırek almastyrý operatsııasy sátti ótti
ShYMKENT. QazAqparat - Ońtústik Qazaqstan oblysynda dárigerler 100-shi ret búırek almastyrý operatsııasyn jasady. Birneshe saǵatqa sozylǵan otanyń mamandar sátti ótkenin jetkizdi. Bul týraly dárigerler BAQ ókilderimen kezdesý barysynda aıtyp berdi, dep habarlaıdy QazAqparat tilshisi.
Jalpy búırek transplantatsııasy Shymkent qalalyq jedel medıtsınalyq kómek kórsetý aýrýhanasynda 2013 jyldan bastap jasalýda. «Qazir emdeý mekemesinde jergilikti turǵyndarmen qatar sheteldik azamattarǵa da ishki organdaryn aýystyrý otasy jasalynady. Al, mundaı operatsııanyń quny 4 mln teńgedeı turady. Elimizdiń azamattary úshin kvota arqyly tegin jasaý qarastyrylǵan. Qazir osyndaı operatsııany jasatýǵa sheteldik azamattar da qyzyǵýshylyq tanytyp otyr», - deıdi sala mamandary
«Germanııa, Kanada, Izraıl, Rýmynııa elderinen de naýqastar kelip em qabyldaýda. Olar mundaı operatsııaǵa qolaıly klımat, bilikti mamandardyń qyzmeti jáne baǵanyń qoljetimdiligi bolǵandyqtan kelip otyr», - deıdi transplantolog Abylaı Donbaı.
Atalǵan aýrýhananyń dárigerleri sondaı-aq 15 ret baýyr transplantatsııasyn ótkizgenin atap ótti.
Aıta keteıik, búginde óńirde 700-ge tarta naýqas búırek jetispeýshiligimen, 500 adam baýyr jetkiliksizdigimen kezekte tur.
