OQO-da 100 gektar astyqty alqap túgeldeı órtenip ketti
ShYMKENT. QazAqparat - Ońtústik Qazaqstan oblysynda 100 gektar astyq túgeldeı órtenip ketti. Báıdibek aýdanyna qarasty Ekpindi aýylynyń mańynda jaıylym jerden órt shyǵyp, jalyn egistik alqabyna sharpyǵan. Bul týraly oblystyq tótenshe jaǵdaılar departmentiniń baspasóz qyzmeti málimdedi, dep habarlaıdy QazAqparat HAA tilshisi.
Qyzyl jalyn pisip turǵan bıdaıdy túgeldeı kúlge aınaldyrdy. Tótenshe jaǵdaılar departamenti qyzmetkerleriniń sózinshe aptap ystyqta tilsiz jaýdyń tez taralýyna jeldiń áseri bolǵan.
«Jalyn kúndizgi saǵat 11.58-der shamasynda Bógen aýyldyq okrýgine qarasty eldi mekende bolǵan. Qurǵaq shóp órtenip, bıdaıǵa ótip ketken. Órtti sóndirýge jeke quramnan 22 qyzmetker men 4 tehnıka, jergilikti ákimdikten 4 tehnıka men 30 adam jumyldyryldy. Tilsiz jaý keshki 17.49-dar shamasynda aýyzdyqtaldy. Jalyn sharpyǵan aýmaq 100 gektar egistik alqap, 74 gektar jaıylymdy qurady»,- deıdi oblystyq TJD baspasóz qyzmetiniń bas mamany Zarıpa Turysbekova.
Abyroı bolǵanda, japa shekkender joq. Qazir tilsiz jaýdyń shyǵý sebepteri men keltirgen shyǵyn kólemi anyqtalyp jatyr.
