OQO-da 10 myńǵa jýyq adam órt sóndirý jumystaryna jumyldyrylǵan
ShYMKENT. QazAqparat - Ońtústik Qazaqstan oblysynda 10 myńǵa jýyq adam órt sóndirý jumystaryna jumyldyrylǵan. Bul týraly óńirdiń TJD bastyǵynyń orynbasary azamattyq qorǵaý polkovnıgi Nurǵalı Júnisov málimdeme jasady. Onyń sózine qaraǵanda, dala alqaptaryndaǵy órtterdi sóndirý úshin jumyldyrylatyn barlyq kúshter men quraldarǵa jalpy 37 mıllıon 163 myń teńge qarjy bólingen, dep habarlaıdy QazAqparat HAA tilshisi.
Al oblys aýmaǵynda orman jáne dala órtterin der kezinde anyqtaý maqsatynda ǵarysh monıtorıngine jalpy 6,5 mıllıon teńge qarjy qaralyp, tıisti mekememen kelisimshart túzilipti. Bul jumystarǵa eriktilerden órt sóndirý qurylymdary qurylǵan. Onda 10 myńǵa tarta adam jumyldyrylyp otyr.
«Orman-dala órtterin der kezinde sóndirý maqsatynda aýyl okrýgterinde jalpy 9281 adamdardan turatyn 825 erikti órt sóndirý qurylymdary quryldy. Búgingi kúni oblys aýmaǵynda respýblıkalyq jáne oblystyq mańyzy bar avtomobıl joldary, temirjol boıy men egis alqaptarynda órtke qarsy mıneraldy jolaq jyrtý jumystary júrgizilýde. Jolaqtardyń sapaly júrgizilýin qadaǵalý maqsatynda oblystan arnaıy komıssııa shyǵyp baqylaýda»,-dedi Nurǵalı Júnisov.
Eske salaıq, buǵan deıin óńirde orman, dala órtteriniń aldyn alý jáne joıý boıynsha ózara is-qımyl órt-taktıkalyq jattyǵýlary ótkizilgen bolatyn. Onda kúrdeliligi túrli deńgeıdegi jalyndy aýyzdyqtaý kezinde jergilikti atqarýshy, quqyq qorǵaý organdarymen jergilikti polıtsııa qyzmeti, medıtsınalyq qyzmetpen jáne tótenshe jaǵdaılar qyzmetimen is-qımyl jasaý áreketterin meńgerý, qarym qatynasty jetildirý pysyqtaldy. Jattyǵýǵa orman dala órti bolǵan jaǵdaıda josparǵa sáıkes jumyldyrylatyn tabıǵı resýrstar jáne tabıǵat paıdalanýdy retteý basqarmasynyń qaramaǵyndaǵy Shymkent, Túrkistan qalalarynda, Báıdibek, Sozaq, Arys, Otyrar jáne Shardara aýdandarynda ornalasqan 6 órt sóndirý avtotsısterna men 22 qosalqy tehnıkalar, tirkemeli bóshkelerimen 3 tn. sýy bar jáne soqasymen barlyǵy 12 traktorlar, jeke quramnan 110 adam, Tótenshe jaǵdaılar departamentinen 6 adam jeke quramymen 1 órt sóndirý avtotsısternasy, 1 medıtsınalyq qyzmet kórsetý avtokóligi jáne jergilikti polıtsııa qyzmetiniń patrýldik avtokóligi tartyldy. Barlyǵy 43 tehnıka men 123 adamdy quraǵan bolatyn.
