OQO-da 1 myńnan astam jol erejesin buzý deregi anyqtaldy
ShYMKENT. QazAqparat - Ońtústik Qazaqstan oblysynda Jergilikti polıtsııa qyzmetkerleri 9-11 qarasha aralyǵynda ótken «Qaýipsiz jol» jedel -profılaktıkalyq sharasyn qorytyndylady. Úsh kúndik shara barysynda polıtsııa qyzmetkerleri 1 080 ákimshilik quqyq buzýshylyqty anyqtaǵan, dep habarlaıdy QazAqparat tilshisi.
Oblys aýmaǵynda jol qozǵalysynyń qaýipsizdigin qamtamasyz etý men aldyn-alý, sondaı-aq jol erejesi buzýshylyqty anyqtaýǵa baǵyttalǵan sharada tártip saqshylary jol qozǵalysy qatysýshylardyń tártibin saqtaýyn qadaǵalady. Jedel-profılaktıkalyq sharaǵa oblystyq ishki ister departamentiniń 1 myńǵa jýyq jol-patrýldyq polıtsııa qyzmetkeri jáne ýchaskelik ınspektory, basqa da bólimderdiń qyzmetkerleri jumyldyryldy.
Reıd barysynda júrgizýshilerdiń joldyń qarama-qarsy qozǵalys jolaǵyna shyǵýy, baǵdarshamnyń tyıym salynatyn belgisine ótýi sııaqty jol erejesin saqtamaıtyny anyqtaldy.
Sonymen qatar júrgizýshiler jyldamdyqty arttyryp, manevr jasaý tártibin buzǵan jáne 156 jaǵdaıda kólik tizgindegende uıaly telefondy paıdalanǵan. Al, qaýipsizdik beldigin qoldanbaýdyń 225 deregi anyqtalyp, quqyq buzýshylyq pen jáne 29 tehnıkalyq baıqaýdan ótpegen júrgizýshilerge ákimshilik hattamalar toltyryldy.
Ákimshilik jazaǵa jol júrý erejelerin buzǵan 14 jaıaý júrginshi de tartyldy. Qoǵamdyq kólik júrgizýshileri bolsa eńbek jáne demalys rejımin buzǵany jáne medıtsınalyq kýáalandyrýdan ótpegeni úshin, sondaı-aq kýáliksiz júk jáne jolaýshylardy tasymaldaǵany úshin aıyppul tóleıtin boldy.
