OQO bazarynda shóp tıelgen 10 kólik órtendi
ShYMKENT. QazAqparat - Ońtústik Qazaqstan oblysynda shóp tıelgen 10 júk kóligi órtenip ketti. Oqıǵa búgin tańǵy bester shamasynda Saıram aýdanyna qarasty Mankent eldi mekeniniń bazarynda bolǵan. Qyzyl jalyn bazar aýmaǵynda turǵan kólikterdi de jalmaǵan, dep habarlaıdy QazAqparat HAA tilshisi.
Turǵyndar taǵy eki kólikti órt bolǵan jerden áketip úlgergen. Oqıǵa ornyna 5 órt sóndirý tehnıkasy men jeke quramnyń 20 qyzmetkeri jetken.
Tilsiz jaýdan zardap shekkender joq. Ázirge órttiń shyǵý sebepteri anyqtalýda. Oqıǵaǵa qatysty barlyq materıaldar aýdandyq ishki ister basqarmasyna jiberildi.
