OQO basshysy Shymkentte azyq-túlik beldeýin qurýdy tapsyrdy
ASTANA. QazAqparat - Shymkentte azyq-túlik beldeýi qurylatyn bolady.
Bul jóninde Ońtústik Qazaqstan oblysynyń ákimi Beıbit Atamqulov Elbasy tapsyrmalarynyń oryndalýyna arnalǵan keńeıtilgen otyrysta málim etti.
Sonymen qatar, jıynda Shymkent qalasynyń ákimine shahardyń damý josparyna qatysty birqatar tapsyrmalar júkteldi.
Aglomeratsııalardy damytý aıasynda oblys aýdandary men Shymkent qalasynyń arasynda aýyl sharýashylyǵy ónimderin qaıta óńdeý boıynsha óndiristerdi qurý jáne halyqty azyq-túlikpen qamtamasyz etý jónindegi memorandýmdarǵa qol qoıylatyn bolady.
«Qalany azyq-túlikpen qamtamasyz etetin agrarlyq sektorda shaǵyn jáne orta bıznes beldeýin qurýdy tapsyramyn. Sonymen qatar, jasyl beldeý qurý maqsatynda baqtar men orman aımaǵyndaǵy jerlerge tolyq tekserý júrgizilsin», - dedi ol.
Sondaı-aq, Elbasynyń tapsyrmalaryna oraı, óńirdiń jáne aýdan, qalalardyń aımaqtyq damý kartasy jasalady.
