OQO: Balmuzdaqtan ýlanǵandardyń basym kópshiligi aýrýhanadan shyqty
ShYMKENT. QazAqparat - Shymkentte balmuzdaqtan ýlanǵandardyń basym kópshiligi aýrýhanadan shyǵaryldy. Oblystyq densaýlyq saqtaý basqarmasy baspasóz qyzmetiniń málimetinshe, qalalyq juqpaly aýrýlar aýrýhanasynda tek salmonellez juqtyrǵan 28 naýqas em qabyldaýda, dep habarlaıdy QazAqparat tilshisi.
«Kúni keshe naýqastardyń birazy aýrýhanadan úılerine qaıtaryldy. Em qabyldaý úshin qalǵan 28 naýqastyń 11-i - bala, 8-i - jasóspirim jáne 9-y - eresek adam. Eresekterdiń arasynda júkti áıel men «ıÝjnoe» saýda ornynyń eki qyzmetkeri bar. Olar ınfektsııa juqtyrǵan soń biraz ýaqyt emdeledi», - deıdi Oblystyq densaýlyq saqtaý basqarmasynyń baspasóz hatshysy Mıra Súıleımenova.
Eske salaıyq, qalanyń 188 turǵyny balmuzdaq satatyn «ıÝjnoe» saýda ornynan tátti jep, jappaı ýlanyp qalǵan bolatyn. Olar qalalyq juqpaly aýrýlar aýrýhanasyna túsip, óńirde osy jaǵdaıǵa baılanysty tekserý sharalary júrgizilýde. Oblystyq qoǵamdyq densaýlyq saqtaý departamenti tarapynan tekserý sharalary nátıjesinde balmuzdaq satatyn nysan birde-bir ret tekserýden ótpegeni anyqtaldy.
Sondaı-aq balmuzdaq daıyndaýda tazalyq normalary saqtalmaǵandyqtan qospalar men synamalardan salmonellez men stafılokokk sııaqty birneshe qozdyrǵyshtar tabylǵany aıtylǵan.
Táttige qajetti sút taǵamdary úı jaǵdaıynda daıyndalyp, talapqa saı kelmeıtin kólikpen tasymaldanyp kelgeni belgili boldy. Osy jaǵdaıǵa baılanysty Oblystyq ishki ister departamenti Qylmystyq kodeksiniń 304-baby «sanıtarlyq qaǵıdalardy nemese gıgıenalyq normatıvterdi buzý» boıynsha qylmystyq is qozǵap, birneshe saraptamalar taǵaıyndady. Tergeý sharalary áli aıaqtalǵan joq.
