OQO: Aımaq basshysy Ulttyq ulan áskerı bóliminiń materıaldyq bazasymen tanysty
ASTANA. QazAqparat - Qoǵamdyq tártip - basty orynda. Іshki Іster qyzmetkerleriniń saqadaı saı bolýy - óńirimizdegi tynyshtyqtyń kepili. Ońtústik Qazaqstan oblysynyń ákimi Janseıit Túımebaev qoǵamdyq qaýipsizdikti qamtamasyz etetin qurylym ókilderimen júzdesti, dep habarlaıdy oblys ákimdiginiń baspasóz qyzmeti.
Kezdesý barysynda qalamyzdaǵy 6506 Ulttyq Ulan áskerı bóliminiń materıaldyq bazasymen de tanysty. Saqadaı sap túzegen myqty jigitterdiń arasynda qaýipsizdikti qamtamasyz etetin barlyq qurylymnyń ókilderi bar. Jol tártibin baqylaıtyn polıtseı, qaýipti aımaqtan tabylatyn shuǵyl jasaq, kınologtar men atty jasaq ta - osynda.
Sonymen qatar, kóshe tártibin kúzetetin áskerı bólim qyzmetkerleri de bar. Oblys basshysy osy kásip ıelerine sáttilik tilep, qaýipsizdik jumysynyń mańyzdylyǵyna toqtaldy. Qaýipti jumysta júrip qaımyqpaı, eńbek etken shendilerge oblys ákiminiń gramotasy tabys etildi. Eren eńbek eskerilip, saqshylardyń kóńili serpildi. Jıyn sońy áskerı marshqa ulasty. Nyq qadam basqan qaýipsizdik qyzmetkerleri alańnyń ajaryn ashty. Quqyqbuzýshylyqtyń aldyn alý úshin tik turyp qyzmet etetin jigitter amanda halyqtyń túni tynysh, kúni yrys bolmaq.
