OQO aýmaǵynda avtokólikti ıemdený maqsatynda 8 qaraqshylyq shabýyl jasaǵan kúdikti quryqtaldy
ASTANA. 13 sáýir. QazAqparat - Ońtústik Qazaqstan oblysynyń aýmaǵynda avtokólikti ıemdený maqsatynda 8 qaraqshylyq shabýyl jasaǵan kúdikti quryqtaldy, dep habarlady QR Іshki ister mınıstrliginiń baspasóz qyzmetinen.
«QR ІІM Krımınaldyq polıtsııa komıtetiniń qyzmetkerleri Ońtústik Qazaqstan oblytyq ІІD qyzmetkerlerimen birlesip, Shymkent qalasynyń 23 jastaǵy turǵynyn quryqtady. Onyń Ońtústik Qazaqstan oblysynyń aýmaǵynda avtomashınalardy ıemdený maqsatynda 8 qaraqshylyq shabýyl jasaǵany belgili boldy», - delingen baspasóz habarlamasynda.
Odan ári júrgizilgen jedel-izdestirý is-sharalarynyń nátıjesinde Almaty qalasy men Otar stansysynda osy qylmystyń taǵy da eki qatysýshysy ustaldy.
Vedomstvonyń atap ótýinshe, kúdiktilerdiń aldyn ala kelisip, túngi ýaqytta jolaýshy retinde taksı júrgizýshileriniń kólikterine otyrǵandary anyqtaldy. Sodan keıin olar pyshaqpen qorqytyp, taksı júrgizýshileriniń qol-aıaǵyn baılap, qaldyryp ketip otyrǵan. Al tartyp alynǵan kólikterdi bólshektep, bazarda satqan. Polıtsııa qyzmetkerleri barlyǵy 7 avtomashınany tárkiledi.
