OQO: Aýdan ortalyǵyndaǵy aýla alańshalarynyń qurylysy aıaqtaldy

ShYMKENT. QazAqparat - QR Táýelsizdiginiń 25 jyldyǵyna oraı Otyrar aýdanynyń ortalyǵyndaǵy Dúısenbaı Altynbekov kóshesiniń boıyndaǵy №13,15 turǵyn úılerdiń aýla alańshalarynyń qurylysy aıaqtalyp, paıdalanýǵa berildi, dep habarlaıdy aýdan ákimdiginiń baspasóz qyzmeti. Kópqabatty turǵyn úılerdiń kórkine sán qosyp, ajaryn arttyrǵan aýla alańshalarynyń ashylýyna aýdan ákimi Erlan Aıtahanov arnaıy qatysyp, turǵyndardy qýanyshtarymen quttyqtady.

«El Táýelsizdiginiń 25 jyldyq mereıli merekesi sháýildirlikter úshin tamasha tartýmen keldi. Osydan birshama ýaqyt buryn «Shámil-Dúr» jastar saıabaǵy qaıta jańǵyrtyldy. Búgin ortalyq kóshelerimizdiń biri - Dúısenbaı Altynbekov kóshesi boıyndaǵy №13,15 turǵyn úılerdiń aýla alańshalary paıdalanýǵa berilgeli otyr. Bul - turǵyndarǵa degen qurmet jáne «Táýelsizdikke tartý» bolsa, halyqqa jasalǵan ıgi istiń biri. Aldaǵy kúnderi osyndaı 7 aýla alańshalary paıdalanýǵa beriledi. 

Elbasymyzdyń saıasatyn júzege asyrý, turǵyndarǵa qolaıly jaǵdaı jasaý maqsatynda keler jyly 10 alańsha salý josparlanyp otyr»-dep, túıindedi sózin aýdan basshysy. Turǵyndardy zor qýanyshqa bólegen sharada saltanatty lenta qııý qurmetine aýdan ákimi Erlan Qýanyshuly, aýyldyq ardagerler keńesiniń tóraǵasy Myrzahmet Temirbekov pen depýtat Aralbaı Asandar ıe boldy. Shara sońy ónerpazdardyń kontserttik baǵdarlamalarymen ulasyp, jastar oıyn alańdarynda sporttyq jarystar uıymdastyrdy.